af hverju markþjálfun?

byrjum á byrjuninni, hvað er markþjálfun?

Markþjálfun er öflugt tól á milli markþjálfa og markþega þar sem einstaklingur fær tækifæri til þess að setja sér markmið, komast yfir hindranir og ná persónulegum og faglegum árangri. Í markþjálfun getur þú fundið þín lífsgildi og skapað þér sýn sem nýtist ekki aðeins til að styrkja nútíðina heldur einnig til þess að byggja upp framtíðina.

En af hverju ættir þú að hitta markþjálfa? Hér koma nokkur atriði sem markþjálfi getur aðstoðað þig með. Vert er að taka það fram að þessi listi er alls ekki tæmandi. 

Markmiðasetning

Markþjálfi getur aðstoðað þig við að skoða og setja niður þau markmið sem þú vilt ná í lífinu. Eftir að markmið eru sett eru þau skoðuð og greind í þeim tilgangi að kortleggja þau skref sem þarf að taka til að ná tilsettum markmiðum.

Aukin sjálfsvitund

Með markþjálfun getur þú lært á eigin styrkleika sem og veikleika og lært að nýta þér þá þér til framdráttar. Með aukinni sjálfsvitund getur þú tekist á við verkefni lífsins með auknu öryggi og staðfestu og tekið upplýstari ákvarðanir fyrir sjálfa(n) þig.

Sjálfstraust

Markþjálfi getur aðstoðað þig við að byggja upp aukið sjálfstraust, jákvæða sjálfsmynd og sigrast á óöryggi.

Bætt sambönd

Með markþjálfun getur þú bætt sambönd þín til muna, hvort sem að það er samband við maka, vini, fjölskylduna eða vinnufélagana. Þú getur lært að setja mörk og öðlast aukinn skilning á öðrum og hvernig þeir upplifa hlutina.

Dregið úr streitu

Markþjálfi getur aðstoðað þig við að ná utan um tilfinningarnar þínar og kennt þér að skilja þær. Með auknum skilning á tilfinningum okkar getum við þróað með okkur aðferðir til þess að stjórna streitunni okkar og bæta þar með almenna líðan.

Árangur

Hvort sem það er starferillinn, íþróttir eða í einkalífinu þá getur markþjálfi aðstoðað þig við að ná árangri í því sem þú tekur þér fyrir hendur, skoða þær hindranir sem eru mögulega í vegi fyrir þér og yfirstíga þær.